Академияи миллии илмҳои Тоҷикистон  Институти фалсафа, сиёсатшиносӣ ва ҳуқуқи ба номи А. Баҳоваддинови       
Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон рӯзи 11 июни соли 2024 Конференсияи ҷумҳуриявии илмӣ-назариявиро таҳти унвони «Саҳми муҳаққиқони ватанӣ дар ташаккул ва рушди илму маърифати ҳуқуқӣ» бахшида ба Соли маърифатӣ ҳуқуқӣ, 30-солагии Конститутсияи Ҷумҳурии Тоҷикистон  ва 85 - солагии академик Фозил Тоҳиров баргузор менамояд.

Дар конференсия масъалаҳои мубрамми илмҳои ҳуқуқшиносӣ, маърифати ҳуқуқӣ, рушди конститутсионӣ, аз ҷумла саҳми муҳаққиқони тоҷик дар пайдоиш, ташаккул ва рушди маърифати ҳуқуқӣ ва илми ҳуқуқшиносӣ аз ҷумла:

1. Саҳми Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон Эмомалӣ Раҳмон дар таърихшиносӣ ва маърифати ҳуқуқӣ дар кишвар;
2. Саҳми муҳаққиқони ватанӣ дар омузиши таърихи илми ҳуқуқшиносӣ ҳамчун заминаи ташаккули маърифати ҳуқуқӣ;
3. Афкори сиёсӣ-ҳуқуқии мутафаккирони тоҷик дар ташаккули маърифати ҳуқуқӣ;
4. Ҷойгоҳи илми назарияи давлат ва ҳуқуқ дар ташаккули низоми ҳуқуқӣ, мураттабсозии қонунгузорӣ ва маърифати ҳуқуқӣ;
5. Роҳҳои баланд бардоштани маърифати ҳуқуқӣ дар ҳошияи Паёми Президенти Ҷумҳурии Тоҷикистон;
6. Илмҳои хусусии ҳуқуқӣ ҳамчун заминаи амалии маърифати ҳуқуқӣ;
7. Масоили рушди илмҳои давлатӣ-ҳуқуқӣ дар Тоҷикистони муосир;
8. Конститутсияи Ҷумҳурии Тоҷикистон ҳамчун заминаи маърифати ҳуқуқӣ;
9. Нақши қонунгузории мурофиавӣ дар ташаккули маърифати ҳуқуқии иштирокчиёни мурофиаи судӣ;
10. Масоил, тамоюли муосир ва дурнамои рушди илмҳои ҳуқуқшиносӣ;
11. Рушди илми ҳуқуқи байналмилалӣ ва дурнамои он дар Ҷумҳурии Тоҷикистон;
12. Масоили ҳуқуқи байналмилалӣ дар осори академик Фозил Тоҳиров;
13. Ташаккули илми ҳуқуқшиносӣ ва амалияи он: пайдоиши масоили нав, самт ва соҳаҳои нави ҳуқуқи миллӣ ва байналмилалӣ ва ғайра баррасӣ мешаванд.

 

    Матни маърузаҳо бояд дар шакли мақола пешниҳод гардида, аннотатсия ва калидвожаҳо ба забони тоҷикӣ, русӣ ва англисӣ дошта бошанд, чунки маҷмӯаи мақолаҳо чоп карда мешавад.

     Барои иштирок дар кори конференсия то 31 майи соли 2024 мавзуи маърузаҳо ва то 20 июн ҳамин сол матни мақолаҳо пешниҳод карда мешавад. Суроғаи электронӣ барои ирсоли мавод: This email address is being protected from spambots. You need JavaScript enabled to view it.; Суроға: ш.Душанбе, х. Рудакӣ, бинои 19 (бахши ҳуқуқи Институти фалсафа, сиёсатшиносӣ ва ҳуқуқи АМИТ) ва бинои 33 (бинои асосӣ)

    Забони кории конференсия – тоҷикӣ, русӣ ва англисӣ.

  Оид ба дигар масъалаҳои вобаста ба кори конференсия метавонед тавассути телефонӣ: 2-21-65-85; 2-21-65-72, 2-21-56-89; (+992) 907-82-90-91 дар тамос бошед.

Ашхоси масъул: Абдуҷалилов А., Бобоҷонзода И.Х., Буризода Э.Б., Зоир Ҷ.М., Раҷабов С.А., Мирзоева СМ.С., Саидзода М., Нуралиева Н., Шарифзода М.

Иштироки Шуморо дар кори конференсия таманно дорем!