Имрӯз санаи 8 апрели соли 2024 дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар доираи Ҳафтаи илм, ки ба Рӯзи илми тоҷик бахшида шудааст, семинари илмӣ дар мавзуи «Масъалаҳои мубрами фалсафа ва соҳаҳои асосии он» баргузор гардид. Дар семинар маърузаҳои зерин шунида ва муҳокима гардиданд:

Маҳмадизода Н.Д. – директори Институти фалсафа, сиёсатшиносӣ ва ҳуқуқи ба номи А. Баҳоваддинов, доктори илмҳои фалсафа, профессор – “Таъсири фалсафаи И. Кант ба таълимоти фалсафии модернизм”; Зиёӣ Х.М. – муовини директори Институти фалсафа, сиёсатшиносӣ ва ҳуқуқи ба номи А. Баҳоваддинов, доктори илмҳои фалсафа, профессор – “Дар бораи ҳудудҳои маърифати инсонӣ”; Асрорӣ М. – сарходими илмӣ, номзади илмҳои фалсафа - «Таҳқиқи таълифоти олимони Ғарбу Шарқ оид ба устура, оин ва таърихи дини ориёиҳо»; Ҷонбобоев С. – ходими калони илмӣ, номзади илмҳои фалсафа - «Назарияи дониш ва методологияи таҳқиқоти илмӣ дар осори Абурайҳони Берунӣ»; Ҳоҷиев А. - номзади илмҳои филологӣ, ходими пешбари илмӣ – “Қонуни Масъуди”-и Берунӣ – доиратулмаорифи ситорашиносӣ ва ғ.

Пагоҳ 9 апрели соли 2024 баргузории Конференсияи илмӣ-амалӣ «Ҷомеаи муосир ва масълаҳои иҷтимоии он» ва Конференсияи ҷумҳуриявии илмию амалӣ дар мавзуи «Нақши Конститутсияи Ҷумҳурии Тоҷикистон дар ташаккули қонунгузорӣ ва рушди илмҳои ҳуқуқшиносӣ» ба нақша гирифта шудааст.

         Нимаи дуюми рӯзи 9 апрели соли 2024 дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар доираи Ҳафтаи илм, ки ба Рӯзи илми тоҷик бахшида шудааст, чорабинии сеюми илмӣ - Конференсияи ҷумҳуриявии илмию амалӣ дар мавзуи «Нақши Конститутсияи Ҷумҳурии Тоҷикистон дар ташаккули қонунгузорӣ ва илмҳои ҳуқуқшиносӣ» баргузор гардид. Дар конференсия маърузаҳои зерин шунида ва муҳокима гардиданд: Иброҳимов С.И., сарходими шуъбаи ҳуқуқи давлатӣ, д.и.ҳ., профессор, «Зарурати таҳқиқоти илмии конститутсияҳои давлатҳои ҷаҳон»; Раҷабов С.А., мудири шуъбаи ҳуқуқи байнал-милалӣ, д.и.ҳ., проф., «Пайдоиш ва рушди илми ҳуқуқи байналмилалӣ дар Тоҷикистон»; Ғаюрзода Ш.К., ходими пешбари илмии шуъбаи ҳуқуқи хусусӣ, д.и.ҳ., профессор, «Иттилооти ҳифзшаванда: назарияи илмӣ” ва ғ.

         Рӯзҳои 11 ва 12 апрели соли 2024 баргузории Ҳафтаи илм дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон идома меёбад.

         Субҳи санаи 9 апрели соли 2024 дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар доираи Ҳафтаи илм, ки ба Рӯзи илми тоҷик бахшида шудааст, чорабинии дуюми илмӣ - Конференсияи илмӣ-амалӣ дар мавзуи «Ҷомеаи муосир ва масъалаҳои иҷтимоии он» баргузор гардид. Дар конференсия маърузаҳои зерин шунида ва муҳокима гардиданд: Шоисматуллоев Ш.  – д.и.с., профессор, мудири шуъбаи сотсиологияи  ИФСҲ АМИТ: “Образование важнейший фактор развития человеческого капитала”; Саидов А.С. – д.и.ф., мудири шуъбаи фалсафаи иҷтимоии ИФСҲ АМИТ: «Падидаи сармояи иҷтимоӣ ҳамчун объекти таҳқиқоти илмҳои ҷомеашиносӣ”; Назар М.Н. - д.и.с., дотсент, сарходими илмии шуъбаи фалсафаи иҷтимои ИФСҲ АМИТ : “Дидгоҳҳои илмӣ дар таҳқиқи масъалаи сармояи иҷтимоӣ”; Каҳоров Ғ.Ғ.– д.и.ф, сарходими илмии шуъбаи сосиологияи ИФСҲ АМИТ: “Нақши илм дар ҳаёти ҷомеа”; Насурова Б.А. – н.и.ф.,  ходими пешбари илмии шуъбаи сотсиологияи ИФСҲ АМИТ: “Худмуайянкунии касбии ҷавононон дар ҷомеаи муосири Тоҷикистон”; Миров Ф.С. – н.и.ф., дотсент, ходими калони илмии шуъбаи сотсиологияи ИФСҲ АМИТ: “Асосҳои назариявӣ-методологии таҳқиқи ҳувияти ҳуқуқӣ дар Тоҷикистони муосир ва ғ.

         Дар нимаи дуюми рӯзи 9 апрели соли 2024 баргузории Конференсияи ҷумҳуриявии илмию амалӣ дар мавзуи «Нақши Конститутсияи Ҷумҳурии Тоҷикистон дар ташаккули қонунгузории илмҳои ҳуқуқшиносӣ» ба нақша гирифта шудааст.

          Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон бо эҳтиром иттилоъ медиҳад, ки бо мақсади иҷрои Фармони Президенти Ҷумҳурии Тоҷикистон аз 30 декабри соли 2023 «Дар бораи «Соли маърифати ҳуқуқӣ» эълон намудани соли 2024» санаи 19 апрели соли 2024 гузаронидани конференсияи илмӣ-назариявии байналмилалӣ дар мавзуи «Маърифати ҳуқуқӣ – омили тақвияти тартиботи ҳуқуқӣ ва қонуният» ба нақша гирифта шудааст.

         Дар кори конференсияи мазкур иштироки олимон, ҳуқуқшиносон, намояндагони ҳокимияти қонунгузор, иҷроия ва суд, кормандони мақомоти давлатӣ, мақомоти ҳифзи ҳуқуқ, намояндагони ҷомеаи шаҳрвандӣ дар назар аст.

         Иштироки бевосита ва ё ғоибона дар кори конференсия имконпазир мебошад.

         Даъвати иштирокчиён баъд аз қабули дархост ва баррасии фишурда (тезис) ё мақола ба роҳ монда мешавад.

         Забони кори конференсия – тоҷикӣ, русӣ ва англисӣ.

         Баъд аз анҷоми кори конференсия омода намудани маҷмуаи маводи конференсия дар назар аст.

         Барои иштирок дар кори конференсия то 9 апрели соли 2024 шакли электронии фишурда (тезис) ё мақола қабул карда мешавад.

         Суроғаи электронӣ барои ирсоли мавод: This email address is being protected from spambots. You need JavaScript enabled to view it.

         Оид ба дигар масъалаҳои вобаста ба кори конференсия метавонед тавассути телефонҳои 915 07 33 22,  918 42 11 04 дар тамос бошед. Шахси масъул: Абдуҷалилов Абдуҷаббор.

Суроғаи Институти фалсафа, сиёсатшиносӣ ва ҳуқуқи ба номи А. Баҳоваддинов: Ҷумҳурии Тоҷикистон, 734025 ш. Душанбе, хиёбони Рӯдакӣ, 33; тел. (факс): 221-56-89; 221-77-96; нишонии сайт: www.ifppanrt.tj