Навидҳо
Ғолибият муборак!
Дар даври дуюми озмуни ҷумҳуриявии ««Тоҷикон» – оинаи таърихи миллат» дар ноҳияи Шоҳмансури шаҳри Душанбе, ходими калони илмии шуъбаи масоили сиёсии муносибатҳои байналмилалӣ, раиси Шўрои олимони ҷавони Институти фалсафа, сиёсатшиносӣ ва ҳуқуқи ба номи А.Баҳоваддинови АМИТ, номзади илмҳои сиёсӣ Саидова Фазилатмо Сайдамировна сазовори ҷойи аввал гардид. Ў дар озмуни мазкур иштироки фаъолона намуда, бо азбар намудани саволномаҳои Низомнома ва мутолиаи беш аз панҷоҳ адабиёти тавсияшуда дар гурўҳи «Омӯзгорони ҳамаи зинаҳои таҳсилот, ходимони илмию адабии муассисаҳои илмиву эҷодӣ, фарҳангу санъат, аспирантон, унвонҷӯён, номзадони илм ва докторантҳои муассисаҳои таҳсилоти олии касбӣ ва муассисаҳои илмӣ» ҷойи якумро ишғол намуд.
Муфассал ...
Кодекси мадании нав: масъалаҳои назариявӣ
16 июни соли 2023 бо ташаббуси шуъбаи ҳуқуқи хусусии Институти фалсафа, сиёсатшиносӣ ва ҳуқуқи Академияи миллии илмҳои Тоxикистон конференсияи ҷумҳуриявии илмию назариявӣ бахшида ба 26-солагии рўзи Ваҳдати миллӣ дар мавзуи «Кодекси мадании нав: масъалаҳои назариявӣ» баргузор гардид.
Дар раванди конференсия олимони шинохтаи соҳаи илми ҳуқуқи хусусӣ масъалаҳои мубрами соҳаро оид ба танзими муносибатҳои нави ҷамъиятӣ, ки дар раванди даврони соҳибистиқлолии Тоҷикистон ба вуқуъ пайвастаанд, мавриди таҳлили илмӣ қарор дода, ба аҳли илм пешниҳод намуданд.
Муфассал ...
Таҳаввули таърихии моҳияти дунявият ва ҷойгоҳи он дар фарҳанги миллати тоҷик
13 июни соли 2023 дар Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон тибқи нақшаи чорабиниҳо семинари илмии навбатӣ оид ба ташаккули ҷаҳонбинии илмию дунявӣ баргузор гардид.
Дар семинари илмӣ сарходими илмии Шуъбаи масъалаҳои фалсафии дин, доктори илмҳои фалсафа Мирзоев Ғ.Ҷ. дар мавзуи «Таҳаввули таърихии моҳияти дунявият ва ҷойгоҳи он дар фарҳанги миллати тоҷик» маъруза намуданд. Дар нишасти мазкур роҳбарияти Институт, мудирони шуъбаҳо, ҳайати кормандони илмӣ ва магистрантону докторантҳои шуъбаҳои гуногуни институт иштирок намуданд.
Муфассал ...
Аҳамияти мафкурасозӣ дар асоси ҷаҳонбинии илмӣ дар марҳилаи кунунии давлатдорӣ
6 июни соли 2023 дар Институти фалсафа, сиёсатшиносӣ ва ҳуқуқи ба номи А.Баҳоваддинови Академияи миллии илмҳои Тоҷикистон тибқи нақшаи чорабиниҳо семинари илмии навбатӣ оид ба ташаккули ҷаҳонбинии илмию дунявӣ баргузор гардид.
Дар семинари илмӣ ходими пешбари илмии Шуъбаи сиёсатшиносӣ, номзади илмҳои сиёсӣ, дотсент Сафарализода Х.Қ. дар мавзуи «Аҳамияти мафкурасозӣ дар асоси ҷаҳонбинии илмӣ дар марҳилаи кунунии давлатдорӣ» маъруза намуданд. Дар нишасти мазкур иштирок намуданд: директори институт, доктори илмҳои фалсафа Назар М.А.; муовини директор, доктори илмҳои фалсафа Зиёӣ Х.М.; мудири шуъбаи сотсиология, доктори илмҳои сотсиологӣ, профессор, узви вобастаи АМИТ Шоисматуллоев Ш.; доктори илмҳои фалсафа, мудири шуъбаи фалсафаи иҷтимоӣ Саидов А.С.; директори маркази антропология, доктори илмҳои фалсафа, профессор Музаффар М.; академик Олимов К.; мудири шуъбаи сиёсатшиносӣ, номзади илмҳои сиёсӣ Муродов С.А.; мудири шуъбаи таърихи фалсафа, номзади илмҳои фалсафа Шамсов М.; ҳайати кормандони илмӣ ва магистрантону докторантҳои шуъбаҳои гуногуни институт.
Муфассал ...
Манбаъҳои муфид
